Link açıqlığı

Rostov vilâyetinde Ukraina qaçaqları sebebinden fevqulâde vaziyet rejimini kirsettiler


Rostov vilâyetinde Ukrainadan kelgen qaçaqlarnıñ sebebinden iyün 30-dan fevqulâde vaziyet rejimini kirsettiler, dep bildire Azatlıq Radiosınıñ mühbiri Grıgoriy Boçkaröv.

Akimiyetiniñ sözlerine binayen, bu vaziyet insanlarnıñ vaqtınca yaşav noqtalarınıñ işini teşkil etmege fırsat berir.

Fevqulâde vaziyetler boyunca nazirlikniñ temilcisi Aleksandr Drobışevskiy şimdi Rusiyede vaqtınca yerleşüv noqtalarında ukrain qaçaqlarnıñ sayısı 17 biñden ziyade olğanını qayd etti. Olarnıñ arasında 7 biñden ziyade bala bar.

Şimdi qaçaqlarnı Qırım ve Rostov vilâyetinden diger regionlarğa alıp keteler. Rusiye Fevqulâde vaziyetler boyunca nazirlikniñ aviatsiyası vastası ile tahminen üç biñ insannı Merkeziy, Şimaliy ve Şimaliy-Kavkaznıñ vaqtınca yerleşüv noqtalarına alıp bardılar.

XS
SM
MD
LG