Link açıqlığı

Saatnıñ esas haberi

Qırım «spiker muavini» vazifelerinden vazgeçmege azır


Grigoriy İoffe «Qırım Cumhuriyetiniñ Cemaat palatası» reisi olğanı sebebinden «Qırım Devlet şurası» reisi muavini vazifelerinden vazgeçüvi aqqında arizanı yazmağa azır.

Bunı Qırım «akimiyeti»ne yaqın olğan Krıminform saytı bildire.

Onıñ sözleriyen köre, Rusiye qanunlarına binayen, Rusiye Federatsiyası subyektleriniñ Cemaat palatası reisleri aynı vaqıtta diger siyasiy ya da devlet teşkilâtlarında çalışıp olamay.

«Bu sebepten men bugün Qırım Devlet şurası reisi muavini vazifesinden vazgeçmege azırım. «Yedinaya Rossiya» firqasında da azalığım toqtatılacaq. Muavinlerime de bunı etmege ricada bulunacağım», – dedi İoffe.

İoffe «Cemaat palatası» reisi vazifesine iyün 30 künü tayinlendi.

XS
SM
MD
LG