Qırımnıñ öz başına tayin etilgen baş naziri Sergey Aksönov «nazirlerini» mecburiyetlerniñ edа etilmemesi içün mesüliet aqqında tenbiyeledi.
Bunı Qırım «ükümetiniñ» matbuat hızmeti bildire.
«Nazirlerni tenbiyeleyim – işiñizniñ neticesi aqqında yañlış malümat berilmesi içün sizlernen ayırı laf etecegim! Men böyle insanlar ile çalışmaycağım! Amelde kerek olğanı kibi etilmegen işiñizni kâğıtta alâ derecede olğanı kibi kösterseñiz, maña böyle esabatlar kerekmey. Mecburiyetleriñizge mesüliet ile yanaşmağa rica etem», – dedi Aksönov toplaşuvda.
Nefaqa ve aylıqlarnıñ ödenilmesi, Rusiye pasportlarınıñ berilmesi ile bağlı muzakerelerde Qırım işleri boyunca Rusiye naziri Oleg Savelyev de iştirak etti.
Yaqında Qırımda istifalar dalğası olğan edi.
Öz vazifelirini Qırımnıñ «birinci baş nazir muavini» Rustam Temirgaliyev, «sağlıq saqlav naziri» Pötr Mihalçevskiy, Qırım tibbiy müessiseleriniñ bir sıra baş ekimleri ve Keriç, Aluşta, Kezlev şeer başları qaldırdı.
