Link açıqlığı

Ukraina şarqında bazarertesi künü aqşam memleketniñ prezidenti Petro Poroşenko keçken cuma künü müddetini uzatqan ateşniñ bir taraflama toqtatuv rejimi soñuna yete, dep bildire Azatlıq Radiosı.

Yaqında Rusiye, Almaniya, Frenkistan liderleri Kiyevni ateş toqtatuv rejiminiñ müddetini uzatmağa çağırdılar.

Donetsk ve Lugansk vilâyetlerinde bir aftalıq ateş toqtatuv rejimini Petro Poroşneko iyün 20 künü kirsetti. İyün 27 künü bu müddet 72 saatke uzandı. Faqat soñki 10 kün devamında barışıq bir qaç kere bozulğan edi.

Ukraina içki işler nazirligi ukrain ordunıñ mevzilerine 60 kere etilgen ücüm aqqında bildirdi. Ukraina havfsızlıq ve mudafaa şurasınıñ malümatına köre, memleketniñ şarqında mahsus ameliyatnıñ başlanmasından 145 arbiy hızmetçi elâk oldı, 312 yaralandı.

«İnformatsionnoye soprotivleniye» gruppasınıñ yolbaşçısı Dmıtro Tımçuknıñ sözlerine binayen, şimdilik separatistler mina atıcılardan Slavânskta Karaçun dağında ukrain arbiylerine ateş açmaqta. Bazarertesi kününe keçer gecesi Slavânsk ve Avdeyevka (Donetsk vilâyeti) ve Kremennaya şeerindeki (Lugansk vilâyeti) blokpostlarğa ateş açlığan edi.

Öz başına tayin etilgen Donetsk ve Lugansk halq cumhuriyet vekilleri ukrain tarafından etilgen atışlar aqqında bildire.

XS
SM
MD
LG