İyün 30 künü Keriç şeer şurası nevbetten tış toplaşuvında Keriç şeer başı Оleg Osadçiyni istifağa yolladı. Deputatlar şeer başınıñ birinci muavini vazifesinine Roman Romanovnı tayinledi ve o, şeer başı vazifelerni eda etecektir.
Bunı Keriç şeer şurasınıñ matbuat hızmeti bildire.
Matbuat hızmetiniñ malümatına köre, Romanov şuranıñ icra organlarınıñ faaliyeti meseleleri boyunca şeer başınıñ birinci muavini vazifesine tayin etilgen edi, bundan soñ deputatalar 17 yıl devamında Keriç şeer başı olğan Оleg Osadçiyni vazifelerinden boşattılar.
Toplaşuvda Osadçiy deputatlarğa ve şeer şurasınıñ icra komiteti hadimlerine teşekkürlerini bildirdi.
Resmiy istifadan soñ deputatlar şeer başı vazifesine «Yedinaya Rossiya» firaqsınıñ azası olğan Romanovnı tayinlediler.
O, vazifelerine iyül 1-den başlaycaq.
Osadçiy vazifelerinden vazgeçüv aqqında arizanı yazğanı iyün 20-de belli oldı. Bundan evel o Qırımnıñ öz başına tayinlengen baş nazir Sergey Aksönov ile körüşti. Soñki aftaları istifağa Kezlev şeer başı Andrey Danilenko ve Aluşta şeer başı Stanislav Kolot kettiler.
