İşğal etilgen Qırımda rusili «Mecburiy tibbiy sigorta territorial fondı» çalışmağa başladı.
Bunı Qırım «ükümetiniñ» matbuat hızmeti bildire.
«Mecburiy tibbiy sigorta esasen vatandaşlarğa iş bergen saiplerniñ ödevi ile teşkil etile. İşbu ödev insannıñ aylığından alınmay, qoşma sürette tölenile (aylıqtan 5,1%). İşlemegen vatandaşlar içün sigorta ödevleri Qırım Cumhuriyeti bücetinen tölenilecek», – denile matbuat hızmetiniñ beyanatında.
«Ükümet»te aytılğanı kibi, Fond esabına qırımlılar «ilk tibbiy-sanitar ve acele yardımnı, bunıñ ile statsionar şariatlerde mahsus tibbiy ve paalı yüksek tehnologiyalı yardımnı köre bilecekler».
Sigortanı elde etmek içün Rusiye vatandaşı pasportı ya da bala içü doğuv aqqında şeadentame ile sigorta berüv noqtasına muracaat etmeli.
Qırımda şimdilik sigortalarnı 5 noqtada bereler.
