Tatar yazıcısı, cemaat erbabı, tatar halqınıñ yetekçisi Fauziya Bayramovanıñ evinde Taqiqat komitetiniñ, politsiya ve FSB hadimleri tintüvni keçirdiler.
Fauziya Bayromovanıñ sözlerine köre, ondan bilgisayarnı ve bütün arhivini: romanlarını, foto resimlerini tutıp aldılar. Böyleliknen oña cemaat faaliyeti ile oğraşmağa imkân qaldırmadılar.
Belli olğanı kibi, tintüvni Bayramovağa qarşı açılğan cinaiy iş çerçivesinde keçirdiler.
Malüm ki, Fauziya Bayramovanıñ faaliyeti Tatarstan musulmanları aqlarınıñ qorçalavı ve qırımtatarlarğa qol tutuvı ile bağlıdır.
