Rusiye baş naziri Dmitriy Medvedev yaşav aşğarınıñ köterilüvi aqqında qararını imazaldı, dep bildire Azatlıq Radiosı.
Rusiye ükümetiniñ saytında aşkâr etilgen vesiqağa binayen, yaşav aşğarı endiden 7688 rubleni teşkil ete (tahminen 230 dollar), çalışqan eali içün 8283 ruble. Keçken seneniñ birinci kvartalına köre, o 5% ya da 400 rublege arttı.
Bunıñ ile aşayt mallarınıñ fiyatı 5,4% paalılaştı.
