Link açıqlığı

Ukrainada terroristik sayılğan «Donetsk halq cumhuriyeti» teşkilâtınıñ boyevkileri Donetsk jurnalistleri vilâyet birliginiñ saytını zapt etti ve anda öz malümatını yerleştire.

Bunı jurnalistlerniñ vilâyet birliginiñ matbuat hızmetine esaslanıp, «Novosti Donbassa» bildire, dep haber ete Azatlıq Radiosı.

«2014 senesi iyün 28-den soñ Donetsk jurnalistleri vilâyet birliginiñ saytında peyda olğan malümat resmiy degildir», – denile beyanatta.

SNBO haber merkeziniñ başı Andriy Lısenko aytqanına köre, soñki kün içinde boyevikler Donetskte üç memuriy binanı zapt etti, olardan ekisi İçki işler nazirligine aittir.

XS
SM
MD
LG