İyün 30 künü, saat 21:00, Aqmescitniñ merkeziy Kebir camisinde Ramazanğa, bu aynıñ hususiyetlerine, oraza qaidelerine bağışlanğan vaaz başlanacaq.
Bunı Qırım musulmanları diniy idaresiniñ matbuat hızmeti bildire.
QMDİ malümatına köre, vaaz iftarğace devam etecek. İyün 30 künü iftar saat 21:41 (Aqmescit vaqtı boyunca) olacaq. Soñra Kebir camisinde iftar keçecektir.
Muqaddes Ramazan ayı devamında müminler oraza tutmalı. Oraza – kündüz suv ve yemekten vazgeçüv demektir. Orazadan yalıñız ağırayaqlı ve emizdirgen qadınlar, yedi yaşına yetmegen balalar, hasta ve qart insanlar, seyaatçılar boşana.
