Link açıqlığı

Aqyarda adamlar miting ötkerdiler. Sebebi – qabarcılıq, fiyatlar artması, işnen bağlı problemler


Митинг на площади Нахимова в Севастополе

Bazar künü, iyünniñ 29-da, Aqyardaki Nahimov meydanında aman-aman yüz insan toplaşıp, qabarcılıqqa qarşı narazılıq aktsiyasını ötkerdi.

Qırım.Aqiqat mühbiriniñ malümatına köre, mitingde «Halq qabarcılıqqa qarşı» Rusiye siyasiy küçüniñ tarafdarları, «Sobol» kazaklar cemiyetiniñ vekilleri, iş adamları, Aqyar bank işleri institutı (SİBD) temsilcileri, studentler, nefaqacılar, em de Qırımnıñ sabıq prezidenti Yuriy Meşkov iştirak ettiler.

Miting iştirakçileri kendi teşkilâtlarnıñ bayraqlarınen keldiler ve SİBD zapt etilmesine qarşı şiarlarnı seslendirdiler.

Митинг на площади Нахимова в Севастополе
Митинг на площади Нахимова в Севастополе

«Sobol» kazaklar cemiyetiniñ reisi Vladimir Tünin mitingde çıqışta bulunıp, dört ay devamında Aqyarda Rusiye akimiyeti «qabarcılıqqa qarşı bir şey yapmağanını» bildirdi.

O, Aqyar gübernatorı vazifelerini eda etken Sergey Menâylonıñ şeerde qurucılıqnı yasaq etmek qararını tenqit etti.

Kazaklar cemiyetiniñ reisi bildirdi ki, Aqyarda fiyatlar arta, işnen bağlı problemler çoqlaşa, akimiyetni deñiştirmek vadeler ise öyle de yerine ketirilmedi.

SİBD müdir vazifelerini eda etken Boris Dadaşev ve bu aliy oquv yurtındaki ana-babalar komitetiniñ vekili Vladimir Rudenko bildirgenlerine köre, mayısnıñ 15-de institut binası silâlı adamlar tarafından zapt etildi. Bundan sebep olar şeer ve Rusiye akimiyetlerine onlarnen muracaat yazdılar, lâkin cevap bile kelmedi.

Dadaşevniñ aytqanına köre, 2010 senesi qurulğan SİBD binasını memurlar begendiler ve onı şahsiyleştirecek olalar.

Митинг на площади Нахимова в Севастополе
Митинг на площади Нахимова в Севастополе

Qırımnıñ sabıq prezidenti Yuriy Meşkov ukrain vaqıtları akimiyette olğan, ve şimdi Qırımda akimiyet organlarına kirgen siyasetçilerni tenqit etti.

Qırımda başlanğan saylavaldı kampaniyası aqqında aytıp, Qırımnıñ sabıq prezidenti «bir sıra pezevenkler kene akimiyetke kirecek ola», dedi.

«Sobol» kazaklar cemiyetiniñ vekili Sergey Kiselöv bu mevzunı devam etip, «Regionlar firqası Aqyardaki akimiyetke muvafaqiyetnen keçkenini» ayttı.

ÇP «Bratya Lukaşevı» müdiri İgor Lukaşov bir qaç yüz iş adamı adından çıqışta bulunıp, şeer gübernatorı vazifelerini eda etken Sergey Menâylo ve şeer şurasınıñ reisi Yuriy Doynikovğa muracaatnı seslendirdi ve iş adamlarına şeer bazarlarında içki satmaq ruhsetini soradı.

Митинг на площади Нахимова в Севастополе
Митинг на площади Нахимова в Севастополе

XS
SM
MD
LG