Link açıqlığı

«Rusiyeli» Aqmescitte kabel ağlarında ukrain telekanallarını söndürdiler


Cumaertesi künü, iyünniñ 29-da, Aqmescitte kabel televideniyeniñ operatorları bir sıra ukrain telekanallarınıñ yayınlavını toqtattılar.

Böyleliknen, «Іnter», «1+1», «2+2», «5 kanal», «ICTV», «Novıy kanal», «NEWS 24», «NTN», «RADA» telekanallarınıñ yayınları söndürildi. Olarnıñ yerine çeşit Rusiye telekanalları çalışa, dep haber ete «İnterfaks-Ukraina».

Aynı vaqıtta, Qırım.Aqiqat malümatına köre, Çernomorskaya teleradiokompaniyasınıñ işi de toqtatıldı. Qırım «Devlet şurasınıñ» deputatlarından birine ait «İTV-K» kabel operatorınıñ ağını da söndürdiler.

Aqmescitniñ kabel ağlarında bir sıra ukrain eglence, muzıka ve bala telekanallarınıñ yayınlavı devam etmekte.

Malüm olğanı ki, aqımdaki seneniñ mart ayında Rusiyeniñ Qırım işğalinden soñ yarımadada ukrain telekanallarını söndürdiler. Şimdi olarnıñ yerine Rusiye telekanalları çalışa.

Hatırlatamız, «MTS-Ukraina» cep telefon operatorı bağ keyfiyetiniñ fenalaşması ve yarımadada iş toqtatıla bilecegini bildirdi.

XS
SM
MD
LG