Er kün Qırımğa Ukrainanıñ Cenüp-Şarq vilâyetlerinden 200-350 qaçaq kele, şimdi olarnıñ sayısı 7 biñ insannı teşkil ete.
Bunı Qırım «baş naziriniñ birinci muavini» Mihail Şeremet jurnalistlerge bildirdi, dep haber ete Qırım «akimiyetiniñ» ruporı «Krıminform».
Şeremetniñ malümatına köre, Qırımdan Rusiyeniñ diger vilâyetlerine Ukraina qaçaqları olaraq qayd etilgen 800 insan yollanıldı.
Qırımnıñ öz başına ilân etilgen «baş naziri» Sergey Aksönov Qırımda Ukraina Cenüp-Şarq qaçaqlarınıñ sayısı 4,5 biñ adamnı teşkil ete, dep bildirgen edi.
