Link açıqlığı

Matbuat vastaları: Medvedçuk Donetsk vilâyetiniñ yolbaşçısı, Şüfriç ise Lugansk vilâyetiniñ yolbaşçısı ola bile


Виктор Медведчук

Sabıq prezident Viktor Yanukoviç etrafında olğan al-azırda Moskvada bulunğan menba «Ukrain saylavı» yolbaşçısı Viktor Medvedçuknıñ Donetskteki barışıq planı boyunca muzakerelerde iştirak etüviniñ versiyasını bildirdi.

Menbanıñ malümatına köre, Medvedçuk muzakerelerniñ eki basamağı arasında qorantasını Hırvatistanğa yahtağa alıp ketti, soñra Moskvağa kelip muzakerelerniñ ekinci basamağından evel aqıl tanıştı. Bundan soñ Donetskke yol aldı, dep haber ete zn.ua.

Menbanıñ versiyasına köre, Rusiye prezidenti Vladimir Putin «Ukrain saylavınıñ» yolbaşçısını ukrain siyasetine qaytaracaq ola. Maqsatqa irişmek içün Medvedçuknı Donetsk vilâyetiniñ gübernatorı vazifesine tayin ete bileler. Muzakerelerde iştirak etken halq deputatı Nestor Şufriç ise Lugansk vilâyetiniñ yolbaşçısı olması mümkün.

İleride, Donetsk vilâyet devlet memuriyetiniñ yolbaşçısı olğan Medvedçuk parlament saylavlarında bayağı reyni qazana bile.

Tahminlerge köre, Medvedçuknı gübernator vazifesine tayin etmek meselesi Rusiye prezidenti Vladimir Putin ve Ukraina prezidenti Petro Poroşenkonıñ şahsiy muzakerelerinde baqılmaq kerek (endi baqılmağan olsa).

Muzakerelerni azırlağan ve keçirgen gruppadaki menbalar bildire ki, cuma künü Donetskte olıp keçken körüşüvde Medvedçuk esasen susıp oturdı. Aynı vaqıtta, körüşüv devamında, separatistlernen laf etmek içün çıqa edi. Menbanıñ qayd etkenine köre, Medvedçuk «DNR» ve «LNR» vekillerine Kiyevniñ angi talaplarına riayet etmek, neni ise olardan talap etmek kerekligi aqqında aytqanına oşap kete edi.

XS
SM
MD
LG