Link açıqlığı

Slavânsk civarında ukrain arbiyleri elâk oldı


Slavânsk civarında (Donetsk vilâyeti) ukrain arbiy hızmetçileriniñ mevzilerine qanunsız silâlı teşkilâtlarnıñ azaları tarafından ateş açılğanı sebebinden cumaretesi künü terroristlerge qarşı ameliyatnıñ üç arbiy adamı elâk oldı, daa dörtü yaralandı, dep bildirdi «İnterfaks-Ukraina» agentligine ATO matbuat ofitseri Oleksiy Dmıtraşkovskıy.

«Slavânsk civarında blokpostqa ateş açılğanı neticesinde üç ukrain arbiy adamı elâk oldı, daa dörtü yaralandı», – dey Dmıtraşkovskıy.

Öz nevbetinde Milliy gvardiya matbuat hızmeti Slavânsk civarında blokpostta bir gvardiya arbiyiniñ ölümi aqqında haber ete. Onıñ malümatına köre, saat 14:00 Ukraina Milliy gvardiya askerleri hızmet etken blokpostqa ateş açmağa başladılar.

Haber etilgeni kibi, Ukraina prezidenti Milliy havfsızlıq ve mudafaa şurasınıñ qararı ile ateş toqtatuv rejiminiñ müddetini bazarertesi künü, iyün 30-na, saat 22:00-gece uzattı.

XS
SM
MD
LG