«Donbass» batalyonınıñ komandanı Semen Semençenko boyevkilerniñ soñki areketleri sebebinden arbiy vaziyetni kirsetmege talap ete.
Bunı Semençenko öz Facebook saifesinde yazdı.
«Memleket ve yolbaşçılarğa cenk ketkenini añlatmaq içün daa ne qadar ölüm kerek?! Terroristler kene de olarnen añlaşmağa imkân olmağanını tasdiqladılar. Bölüklerimizge ateş açılmaqta, eki arbiy hızmetçimiz elâk oldı, daa ekisi yararlandı. Acele arbiy vaziyetni kirsetmege talap etemiz», – dep yazdı Semençenko.
«Akimiyet kimniñ tarafında olğanını añlamaq içün vaqıt keldi», – dey Semençenko.
Onıñ sözlerine köre, memleket eşqına arbiy vaziyet yuqarıdan kirsetmeli, aks alda bunı aşağıda, devlet içün büyük ziyan ile kirsetirler.
