Link açıqlığı

«MTS-Ukraina» işğal etilgen Qırımda işini toqtata bile


«MTS-Ukraina» mobil bağınıñ operatorı yarımadada hızmeti toqtatıla bilecegi aqqında haber ete.

Şirketniñ matbuat hızmeti bunı qırımlı ortaq ve abonentleri ile grivna para birleminde esaplavnı keçirmege imkân olmağanı ile añlata.

Hatırlatamız, yaqında Qırımnıñ haber naziri Dmitriy Polonskiy «MTS-Ukraina» Qırımda ruble ile çalışqanını bildirgen edi.

«Üküm sürgen vaziyet kerginleşmege devam ete, bu ise bağnıñ bozuluvına ve işbu territoriyada hızmetniñ toqtatuvına ketire bile. Al-azırda «MTS-Ukraina» Qırımda keyfiyetli bağ hızmetini saqlamaq içün areket ete», – dep bildire matbuat hızmeti.

Şirket Qırım abonentlerine tehnikiy imkânı olğanı qadar hızmet emtege söz berdi.

XS
SM
MD
LG