Link açıqlığı

Saatnıñ esas haberi

İşğal etilgen Qırım sakinleri Ukraina Anayasa künü aqqında unuttılar


İyün 28-de, Ukraina Anayasa Kününde, Rusiye tarafından işğal etilgen Qırım sakinleri Qırım.Aqiqat mühbiriniñ Ukrainada nasıl bayram qayd etile degen sualine cevap berip olamadılar.

İşğal etilgen Qırım soqaqlarında devlet bayramı alâmetleri yoq. Ukrain timsalini yalıñız qırımtatar milliy Meclisi binasında tapmağa mümkün, mında Ukraina bayrağı yelpirey.

Hatırlatamız, deputatrlar 1996 senesi iyün 28-ne keçer gecesi Anayasa üzerinde çalışqan edi.

Mustaqil Ukraina devletiniñ birinci Anayasasını Ukraina Yuqarı Şurası 1996 senesi iyün 28 qabul etti. Bu kün, Esas Qanunğa binayen, devlet bayramı ve raatlıq künü olaraq belgilendi.

Memleketniñ esas qanunı bir qaç kere deñişken edi. 2004 senesi Viktor Yuşçenkonıñ yolbaşçılığı vaqtında anayasa islâatını qabul ettiler. Onıñ manası idareniñ parlament-prezident şeklindedir.

2010 senesi Anayasa mahkemesi bu islâatnı red etti, o vaqıttaki prezident Viktor Yanukoviçke keñ vekâlet berildi. Tezden Anayasağa kene de deñişüvlerni kirsetecek olalar.

Anayasağa binayen, Ukraina – mustaqil, içtimaiy ve uquqiy devlettir (1-nci madde). Ukraina devlet tili olaraq ukrain tili sayılmaqta (10-ncı madde).

XS
SM
MD
LG