«DHC» ve «LHC» öz başına ilân etilgen separatist cumhuriyetleri Rusiye sedasına emiyet bere.
Bunı Rusiye çetel işler naziri Sergey Lavrov bildirdi, dep haber ete Rusiye çetel işler nazirliginiñ matbuat hızmeti.
«Añlağanıma köre, isbatlardan biri – Cenübiy-Şarqta esirlikke alınğan ОBSE azalarınıñ azat etüvi», – dey Lavrov.
O şunı qayd etti ki, terroristler olarnı «Patriarh Kirill ve Rusiye yolbaşçılığınıñ çağıruvına cevap olaraq» yolladılar.
Bunıñ ile Lavrovnıñ fikrince, Ukraina Cenübiy-Şarqında separatistlerniñ «öz noqtaiy-nazarı bar, olarnıñ toprağıdır ve olar anda saip olmağa isteyler».
Bunıñ ile, Rusiye Federatsiyasınıñ naziri şunı da qayd etti ki, kerginlik derecesini azlaştırmağa istegen Ukraina prezidentinden ğayrı «diger küçler de bar – radikallar».
Diplomat adet üzre «qollarında silâ tutqan ultranatsionalistler», «Pravıy sector», «Kolomoyskiy batalyonı» aqqında hatırlattı.
