Link açıqlığı

BMT: Ukraina şarqında qaçaqlarnıñ sayısı arttı


Ukraina şarqında soñki aftaları vaziyetniñ beterleşüvi 16500 insannı evlerini terk etmege mecbur etti – bu BMT-niñ qaçaqlar işleri boyunca Bölüginiñ malümatı, dep bildire Azatlıq Radiosı.

Ukrainada şimdilik qaçaqlarnıñ umumiy sayısı tahminen 54 biñ insannı teşkil ete.

BMT temsilcisi Jenevada jurnalistlerge qaçaqlar işleri boyunca bölügi ziddiyet alanından insanlarnıñ acele köçip ketkenini qayd etkenini bildirdi. Melissa Fleming şunı da qayd etti ki, bu sene başından Ukrainanıñ 110 vatandaşı Rusiyege ketti eken. Olardan doquz buçuq biñ insan Rusiye akimiyetinden meskenniñ berilmesini soradı.

BMT malümatına köre, Ukrainanıñ tahminen yedi yüz vatandaşı Poloniya, Aqrusiye, Çehiya ve Romaniyağa ketti.

XS
SM
MD
LG