Link açıqlığı

Gece boyevikler ukrain arbiylerine ateş açtılar


Donetsk vilâyetinde iyün 28-de gece boyevikler ukrain arbiy hızmetçileriniñ eki noqtasına ateş açtılar. Ateşni granata ve minaatıcılardan açqan ediler. Elâk olğanlar aqqında malümat yoq.

Gece devamında Kramatorks uçaq alanına toqtamayıp ateş aça ediler. Mında ukrain ordunıñ bölükleri yerleşe. «İnformatsionnoye soprotivleniуе» mustaqil cemaat teşkilâtı aytqanı kibi, arbiy hızmetçileri arasında elâk olğanlar yoq.

Ukraina prezidenti Milliy havfsızlıq ve mudafaa şurasınıñ qararı ile ateş toqtatuv rejiminiñ müddetini bazarertesi künü, iyün 30-na, saat 22:00-gece uzattı. Devlet başı ateş toqtatuv rejimine riayet etüv OBSE nezaretçileri tarafından közetilecegine ümüt ete. Bunıñ ile Ukraina devlet sıñır hızmetiniñ nezaretine İzvarino, Doljanskiy, Çervonopartizansk noqtaları berilmeli ve olarnıñ işi ğayrıdan tiklenmeli; reineler azat etilmeli.

Öz başına ilân etilgen Donetsk ve Lugansk halq cumhuriyetleriniñ temsilcileri prezident Ukraina milliy gvardiya quvetlerini Donbastan qaytarsa, Poroşenkonıñ barışıq planına qol tutmağa razı oldılar.

İyün 27 künü Brüsselde Ukraina prezidenti Petro Poroşenko Avropa birligi ile assotsiatsiya añlaşmasınıñ iqtisadiy qısmını imzaladı.

XS
SM
MD
LG