İvano-Frankovsk vilâyetinde tükânlarda Rusiye mahsulatında mahsus işaretlev olacaq ve olarnı diger mallardan ayrı tizecekler. Bu aqta İvano-Frankovsk vilâyet şurasınıñ bugünki toplaşuvında söz kete edi, dep bildire Azatlıq Radiosı.
İşbu sualni bakıp çıqmaq teşebbüsi ile vilâyet şurasınıñ deputatı Vasiliy Popoviç çıqışta bulundı. O, Menlik İnqilâbı vaqtında milliy qarşılıq ştabınıñ yolbaşçısı edi.
Onıñ sözlerine köre, «cemaatqa eger de Rusiye hızmetini, mahsulatını satın alsañ, demek Ukrainada terrorizmge qol tutasıñ degen fikirni aşlamaq kerek».
Deputatlar Rusiyeniñ Ukrainağa qarşı istilâsına qol tutqan çalğıcı, aktörlarnıñ faaliyetine de yol bermemek qarar aldılar.
Aynı zamanda yañı oquv yılında vilâyetniñ oquv yurtlarında «Ukrainağa qarşı istilâ – Rusiye faşizm ve şovinizmniñ numayşı» mevzusı boyunca terbiyeviy tedbirlerni keçirmege planlaştıralar. Yerli matbuat vastalarında «Rusiye işğalcileri yoq olsun» rubrikalar olacaq.
Bu qararğa vilâyet memuriyetiniñ deputatlarından çoqusı qol tuttı.
