Avropa birligi ile assotsiatsiya añlaşmasınıñ iqtisadiy qısmınıñ imzalanuvı Avropa birliginiñ energetik infrastrukturası boyunca leyhalarnıñ tasdiqlanuvında ukrain menfaatınıñ esapqa alınacağını közde tuta.
Bunı NAK «Naftogaz Ukrainı» matbuat hızmeti bildire.
«Şu cümleden, Añlaşmanıñ «İnfrastruktura qullanuv saasında işbirlik» maddesi taraflar bir-biriniñ energetik saalarını ve imkânlarını köz ögüne almaq kerekligini belgiley», – denile beyanatta.
Bundan da ğayrı, Añlaşmada nevbetteki noqtalar da qayd etile, taraflar infrastruktura qullanuvına qol tutmalı, ihtiyac olğanda, mesleatlar keçirmeli ve ilâhre.
«Añlaşma Ukraina ve Avropa birliginiñ şirketleri yekâne uquqiy alanda işleycegini nazarda tuta ve memleketimiz Yekâne avropalı gaz çarşısınıñ müim qısmı ola»,– dedi NAK «Naftogaz Ukrainı» yolbaşçılığınıñ reisi.
Şirketniñ malümatına köre, Ukraina Avropa Birligi ile energetik işbirligi meselelrinde menfaatlarını qorçalamaq içün qoşma imkânnı elde ete.
