Kiyevde eki afta devamında «Cerelo» şifahanesinde yaşağan Ukraina şakriy vilâyetlerinden qaçıp kelgenlerge suv, gaz ve elektrik energiyasını söndürmege vade eteler, dep bildire qaçaqlar lageriniñ göñülli-komendantı Konstantin Melnik, haber ete Azatlıq Radiosı.
«Al etici vaziyet yüz berdi. Şirket çalışmay edi. Elektrik energiyasınıñ, gaz, suvnıñ istmalı da yoq edi. Amma şimdi istimal arttı. Başta 100 insan, soñra 130, şimdi 180 ve yaqında 200 olacaq. Biz «Kiyevenergo», «Vodokonal», «Kiyevgaz»ğa ödevni bir qaç ayğa avuştırmaq teklifimiz ile mektüpni yolladıq. Amma bizge er yerden menfiy cevap keldi, iyül 1-de «Cerelo»da gaznı söndürecekler», – dep tarif etti Azatlıq Radisına Konstantin Melnik.
Onıñ sözlerine köre, şarqtan qaçıp kelgenlerniñ abadanlaştıruvı ile göñülliler oğraşa ve şimdilik «İçtimaiy siyaset nazirligi tarafından berilgen malümat kâğıtlardan ğayrı devletten iç te yardım körünmey».
«Yemegimiz eki künge yeter. Nasıldır çare tapmağa areket etemiz. Goñlliler bizge mal, urbanı ketirsinler dep, yük maşnasını tamirledik. Özümiz aş pişiremiz, özümiz cıyıştıramız», – dey Melnik.
Lagerniñ teşkilâtçılarınıñ sözlerine köre, «Cerelo»da şimdi Snejnıy, Kramatorsk, Slavânsk, Lugansktan 60 bala yaşay eken.
