Link açıqlığı

AQŞ Kiyev, Tbilisi ve Kişinövnı assotsiyatsiya añlaşmasınıñ imzalanuvı ile hayırladı


AQŞ Gürcistan ve Moldova Cumhuriyeti ile Ukrainanı assotsiatsiya añlaşmasınıñ imzalanuvı ile hayırladı.

Bu aqta AQŞ devlet kâtibi John Kerryniñ cuma künü aşkâr etilgen beyanatında söz kete, dep bildire Ukrinform.

Kerryniñ sözlerine köre, añlaşma astındaki imzalar «yalıñız Avropa birliginiñ şarqiy qomşularını yekâne çarşı ile bağlamay, ticaret ve işbirlik içün yañı imkânlarnı aça».

Devlet departamentiniñ başı şunı da qayd etti ki, Moldova, Gürcistan ve Ukraina müim iqtisadiy ve uquqiy islâatlarğa öz azırlığını bildirgen ekenler.

Kerry Washington Ukraina, Gürcistan ve Moldovanıñ topraq bütünligine qol tutqanını da aytıp keçti.

XS
SM
MD
LG