Link açıqlığı

Boyevikler ОBSE azalarını azat etmege söz berdiler


«DHC» ve «LHC» teşkilâtlarınıñ boyevkileri birazdan Donbassta mayısnıñ soñunda zapt etilgen ОBSE azalarını azat etmege söz berdiler, dep bildire Azatlıq Radiosı.

Bunı bugün Donetskte Kiyevden kontakt taqımı ile mesleatlardan soñ «DHC» «baş naziri» Aleksandr Boroday bildirdi.

Beyanatına köre, o, ОBSE nezaretçilerini Ukraina şarqında silâlı ziddiyetiniñ er angi noqtasında bulunmağa çağırdı ve olarğa havfsızlıqnı kefil etmege söz berdi.

Bunıñ ile o, ukrain sıñırcılarınıñ nezareti altına «İzvarino», «Doljanskiy» ve «Krasnıy partizan» kiriş noqtalarını qaytarmağa razı olmadı.

Boroday «DHC» yolbaşçılığı Kiyev ile reinlerniñ deñişüvi ile razı olğanını bildirdi.

O, ukrain arbiylerinde tahminen 500 boyevik esirlikte olğanını qayd etti.

Cuma künü boyevkiyer ОBSE eyyetiniñ dört azasını azat etti. Lugansk vilâyetinde teşkerüvlerni keçirgen daa 4 nezaretçi esirlikte buluna.

XS
SM
MD
LG