Rusiye Federal migratsion hızmeti ukrain tarafdarı olğan qırımlı faaliyetçi Yelizavet Bonutskayadan onıñ qızı ile Ermeni Bazarda yüz bergen vaqia içün afu soradı: qız Qırımdan çıqıp olamadı – onı Rusiye sıñırcıları trenden tüşürdiler.
Bogutskaya Qırım.Aqiqat saytına FMH Rusiye sıñır bekçisiniñ areketlerini qanunsız olaraq adlağanlarını aıttı. «Qızımnı trenden tüşürmek içün acet olmağanını qayd ettiler»,– dedi o.
Bogutskaya FMH qızını Ermeni Bazardan Hersonğa qadar trende yollamağa teklif etkenini bildirdi.
«Şimdi qızım Cankoyda dostlarında buluna. O, Ermeni Bazarğa kelip olamay. Amma imkânı peyda olğanınen aman Ukrainağa ketecek», – dedi Bogutskaya.
Faaliiyetçi şunı da qayt etti ki, işbu vaqianı şimdi FSB oğraşa.
Tünevin Qırım.Aqiqat mühbirine Yelizaveta Bogutskaya aytqanı kibi, onıñ qızı Sakina pasportına yañı fotonı qoymaq içün Ukrainağa kete edi.Faqat Rusiye sıñırcıları Sakina Bogutskayağa onıñ ukrain pasportı aqiqiy olmağanı içün Rusiye Federatsiyasından çıqmağa yasaq olğanını bildirdiler. Olar qızğa Rusiye Federatsiyasınıñ pasportını elde etip, meseleni çezmege teklif ettiler, böyleliknen onı vatandaşlıqnı deñiştirmege mecbur ete ediler.
«Qızımnı Ermeni Bazarda toqtattılar, trenden tüşürdiler. O, Aqmescitte onıñ ukrain pasportına yañı fotonı qoymağanlarını ve bunı etmek içün onı Qırımdan yollamağanlarını aytıp, ne etecegini sıñır bekçilerinden sorağan edi. Sıñırcılar oña başta Rusiye Federatsiyasınıñ pasportını elde etip, soñra onen çıqa bilecegini ayttılar», – dedi Bogutskaya.
Qadın onıñ qızı Rusiye vatandaşlığını qabul etmegenini bildirdi, şimdi oña qıtağa ukrain pasportı ile çıqmaq içün imkân bermeyler eken.
