Link açıqlığı

Cuma künü, iyünniñ 27-de, Kiyevde ukrain yırcısı, qırımlı Jamala iştirak etecek «Tripolskiy krug» festivali ötkyerilecek.

Öz çıqışını Jamala Facebook saifesinde ilân etti.

Onıñ aytqanına köre, Ukrainanıñ eñ yahşı çalğıcılar taqımı festival musafirleri içün bir sıra meraqlı şeyler azırladı.

«Tripolskiy krug» – halqara eko-medeniyet festivali. Onıñ vazifesi – qoranta ve gençlerge raatlıqnıñ alternativ imkânlarını köstermek, etnik ananelerni ğayrıdan tiklemek, ve olarğa insan yaşayışınıñ türlü saalarında qazanğan zemaneviy yeñişlernen birleştirmektir.

Festivalniñ sağlamlaştıruv, sport, muzıka, ekologiya, tasil, sergi ve diger medeniy-eglence ve medeniy-maarif etnik programmaları mevcut.

XS
SM
MD
LG