Link açıqlığı

Qırım Müftiyatı arbiyler areketlerinden sebep milletlerara zıddiyetler olacağından saqına


Обыск в медресе под Симферополем

Qırım musulmanları Diniy idaresi QMDİ mensüp İslâm oquv yurtlarında tintüv keçirilmesi usullarına razı degil. Müftiyat müminlerniñ aq-uquqlarını sert bir şekilde bozuv yarımadada milletlerara zıddiyetlerge yol bere bile, dep saqına.

Bu aqqında Qırım Müftiyatınıñ beyanatında aytıla.

«Qırım Müftiyatı iyünniñ 24-de Aqmescit rayonınıñ Bulğanaq köyündeki hafizler Medresesine yapılğan ücümni sebepsiz dep tanıy. Betini qapatqan silâlı adamlar qapularnı qırıp, pencereni parlap, binağa kire ve talebelerge qarşı silânen turıp, balalarnı qorquza, özüni tanıtmay ve mahkemeniñ tintüv aqqında qararını köstermese, insan aq-uquqları bozula, oca ve medrese talebeleriniñ adam qıymetini aşalaylar», – aytıla beyanatta.

QMDİ qayd ete ki, medreseden ğayrı silâlı şahıslar qırımtatar qorantasına tintüvnen keldiler. Saba saat 6:30 belgisiz şahıslar Bulğanaq köyüniñ medrese müdiriniñ muavini yaşağan evinde de qapını qırıp taşladı. O vaqıt evde Ayder Osmanov, qadını ve eki balası (qızı – 4 yaşında, oğlu – 11 aylıq) buluna edi. Bunıñ neticesinde balalar qorqıp, ruhiy ceetten zarar körgenler.

Qırım Müftiyatı Bulğanaqtaki hafizler medresesine kirüvni «ananeviy İslâm dinini kütken musulmanlar aqlarınıñ bozuluvı olaraq tanıy. Müftiyat qayd etkenine köre, bu areketlerniñ sebebi evelden seslendirilgen bir sıra yañlış malümatlar oldı».

«Böylece, mayısnıñ 16-da qırımtatar eyyeti Rusiye prezidenti Vladimir Putin ile körüşip, «cemaat erbapları» Qırım musulmanları Diniy idaresine ait dört medrese Rusiyede yasaq etilgen ve ekstremistik dep tanılğan «Nurcular» diniy teşkilâtınıñ «tesiri altında bulunğanını» prezidentke bildirdiler», – denile beyanatta.

Bundan ğayrı, iyünniñ 18-de daa bir «cemaat erbabı» tarafından teşkil etilgen tögerek masada QMDİ-ni hizbu’t-tahrir ve vahhabizm kibi ekstremistik areketlernen iş tutqanında qabaatladılar.

«Bir sıra beyanatlar ve bundan soñ olıp keçken medrese tintüvi Qırım Müftiyatını yoq etmek ıntılışlarını tasdıqlay», – qayd etile beyanatta.

Yuqarıda añılğanlarğa emiyet berip, Qırım musulmanları Diniy idaresi QMDİ müessiseleriniñ qapuları teşkerüvler içün açıq olğanını bildire.

Müftiyatta qayd etkenlerine köre, Qırım musulmanları Diniy idaresi 1944 senesinden berli Qırımda islâm tasilinen oğraşa. 20 yıl devamında medreseler açıla edi, talebelerni qabul ete, din ocalarını azırlay ediler. Qırım akimiyetiniñ prokuratura, uquq qoruyıcı organlar, SBU hadimleri, nazirlik ve komitetler ile birlikte keçirilgen teşkerüvler bir de bir bozuvlarnı qayd etmegen edi.

İyün 24 künü saba saat 6:30 Aqmescit rayonınıñ Bulğanaq köyünde oğlanlar içün hafizler medresesine belgisiz silâlı şahıslar sürip kirdi ve tintüvni keçirmege başladı.

Arbiyler qapunı qırıp, pencereni parlap, binağa kirdiler. Tintüvni tahminen 30 adam, tahminlerge köre, FSB vekilleri ve politsiya hadimleri keçirdiler.

Tintüv bitken soñ betlerini saqlağan adamlar bir qaç bilgisayarnı ve medrese müdiriniñ muavini Ayder Osmanovnı tintüvge alıp kettiler. Bu areketlerniñ sebebi aydınlatılmadı. Tintüv 5 saat devam etti.

Medreseden ğayrı silâlı şahıslar qırımtatar qorantasına tintüvnen keldiler.

XS
SM
MD
LG