Link açıqlığı

Matbuat vastaları: «Qırım» devlet teleradiokompaniyasında qırımtatar yayınlarınıñ hadimlerini işten boşatıp başladılar


İyünniñ 25-de GTRK «Krım» qırımtatar yayınları icadiy birleşmesiniñ müdiri Seitislâm Kişveyevni işten boşattılar.

Bunı QHA haber agentligine Seitislâm Kişveyevniñ özü bildirdi.

«Başta reberlik öz istegi ile ariza yazmağa rica etti, men red etken soñ, madde boyunca işten boşattılar. Olar bunı çoqtan yapacaq ediler, mına yaptılar. Sebep olaraq qırımtatar yayınlarınıñ sözme-söz tercimesi olmağanını bildirdiler. Lâkin GTRK «Krım» reberligi tarafından buña zarur olğan donatma ve tecribeli terciman berilmegen edi. Meraqlısı şu ki, daa bir yıl evelsi men özüm Qırımnıñ rus tilli ealisi içün tercime yapmağa teklif etken edim», – dep ayttı jurnalist.

Neşirniñ yazğanına köre, Kişveyevni Ukrainanıñ emek qanunları aqqında Kodeksiniñ 40-ıncı maddesindeki 3-ünci noqtası (öz vazifelerini muntazam sürette sebepsiz eda etmegeni) boyunca işten boşattılar, sebep ise «taqiqat neticeleri» oldı.

Qırım.Aqiqat Kişveyevnen bağlanmağa tırıştı, lâkin onıñ telefonı çalışmay.

XS
SM
MD
LG