Link açıqlığı

Qırımtatarlarnı medrese ve qırımtatar evinde arbiyler tarafından yapılğan tintüv açuvlandırdı. Arbiyler bir şey tapmağan soñ, afu soramağanlar. Bunı Qırımtatar Milliy Meclisiniñ reisi Refat Çubarov Qırımtatar bayraq Künü bayramında çıqışta bulunıp, qayd etti.

Bu aqqında Qırım musulmanları Diniy idaresiniñ beyanatında aytıla.

«Qırımtatarlar telüke beklenilecek adamlar degil. Kendi aq-uquqlarını qorup, olar iç bir kimseniñ aqqlarından keçmeyler. Qırım cemiyetiniñ bir qısmına ekinci derece adamlarına kibi davranmaq olmaz... Bizler «Qırım fobiyasına» oğrağan akimiyet adamlarınıñ esirleri degilmiz... Bu bizim toprağımız, bu bizim şeerimiz. Bizler iç bir vaqıt birisi çette, ekinci ise merkezde olmasına yol bermeycekmiz. Adamlarnı millet ve dinge köre ayırğan akimiyet – devamlı degil. Adamlarğa bu şekilde yanaşmaq olmaz», – dep tekrarlay Çubarovnıñ aytqanlarını QMDİ matbuat hızmeti.

İyün 24 künü saba saat 6:30 Aqmescit rayonınıñ Bulğanaq köyünde oğlanlar içün hafizler medresesine belgisiz silâlı şahıslar sürip kirdi ve tintüvni keçirmege başladı.

Arbiyler qapunı qırıp, pencereni parlap, binağa kirdiler. Tintüvni tahminen 30 adam, tahminlerge köre, FSB vekilleri ve politsiya hadimleri keçirdiler.

Tintüv bitken soñ betlerini saqlağan adamlar bir qaç bilgisayarnı ve medrese müdiriniñ muavini Ayder Osmanovnı tintüvge alıp kettiler. Bu areketlerniñ sebebi aydınlatılmadı. Tintüv 5 saat devam etti.

Medreseden ğayrı silâlı şahıslar qırımtatar qorantasına tintüvnen keldiler. Saba saat 6:30 belgisiz şahıslar Bulğanaq köyüniñ medrese müdiriniñ muavini yaşağan evinde de qapını qırıp taşladı. O vaqıt evde Ayder Osmanov, qadını ve eki balası (qızı – 4 yaşında, oğlu – 11 aylıq) buluna edi. Bunıñ neticesinde balalar qorqıp, teren ruhiy travma alğanlar.

XS
SM
MD
LG