Link açıqlığı

Donbassta silâlı separatistlerniñ esirliginde Avropada havfsızlıq ve emekdaşlıq Teşkilâtınıñ dört nezaretçisi qala. Olar Lugansk taqımınıñ erkânına kire ediler, 29 kün evelsi olarnen bağ üzüldi, dep haber ete Azatlıq Radiosı.

Aynı vaqıtta OSCE mahsus teşkerüv missiyası bildire ki, bugün gece 32 kün devamında azat etilmegen «Donetsk taqımınıñ» dört közeticisi azat etilgen edi.

Mayıs soñundan berli OSCE Donetsk ve Lugansk vilâyetlerinde çalışqan sekiz adamdan ibaret mahsus teşkerüv missiyası ile bağlanıp olamay.

İyün başında separatistler liderlerinden biri Andrey Pürgiy bildirdi ki, közeticilerni Lugansk vilâyetinde Severodonetskte tutalar. Böyle etip, şeerde arbiy areketler olmaycağını kefil etecek ola ekenler.

XS
SM
MD
LG