Link açıqlığı

Ukraina, Gurcistan ve Moldova Avropa Birligi ile añlaşma imzalaylar (canlı yayın)


Ukraina, Gurcistan ve Moldova Brüsselde Avropa Birligi ile esas añlaşmalarnı imzalaylar. Azatlıq Radiosı tedbirni canlı yayında köstere.

Ukraina Avropa Birligi ile assotsiatsiya añlaşmasınıñ iqtisadiy qısmını imzalay. Ukrainanıñ sabıq prezidenti Viktor Yanukoviç keçken sene noyabr ayında añlaşma imzalanmasından vazgeçip, Yevromaydan ötkerilmesine sebepçi oldı. Bunıñ neticesinde rejim devirildi.

Mart ayında Avropa Birligi ve Kiyev siyasiy añlaşmanı imzaladılar. Brüssel 2014 senesiniñ soñunda Kişinöv ve Tbilisi ile siyasiy ve ticaret añlaşmalarını imzalaycaq edi, lâkin Moskva buña mania olmasın dep, tedbir sanını deñiştirdi.

Añlaşma tizilgen soñ Ukraina, Moldova ve Gurcistan 500 million müşterilik Avropa Birligi bazarına kire bilecekler.

XS
SM
MD
LG