Avropa Birliginiñ liderleri iyünniñ 27-de Rusiyeniñ Ukraina şarqında üküm sürgen vaziyetke alâqasını köz ögüne alıp, qoşma cezalar müimligini muzakere etecekler, dep haber ete Azatlıq Radiosı.
Sammit başlamazdan evel Brüsselde AQŞ devlet kâtibi John Kerry Rusiyege muracaat etip, Ukrainadaki separatistlerden silânı almaq içün «eñ yaqın vaqıtta» işke başlamağa çağırdı.
İyünniñ 26-da Strasburgda Ukraina prezidenti Petro Poroşenko Rusiyeni onıñ barışıq planına «lafnen degil, areketlernen» qol tutmağa çağırdı.
Poroşenko iyünniñ 20-den 27-ne qadar bir taraflı ateş toqtatılmasını ilân etti, lâkin ukrain arbiyleri boyeviklerniñ areketleri neticesinde elâk olmağa devam eteler.
