Link açıqlığı

Kezlev şeer şurası şeer yolbaşçısınıñ istifasını qabul etip, onıñ vazifelerini eda etecek adamnı tayin etti


Kezlev şeer şurasınıñ iyünninh 27-de olıp keçken toplaşuvında şeer yolbaşçısı Andrey Danilenkonıñ istifası qabul etildi. Bunıñnen beraber, şeer şurasınıñ kâtibi Anjela Nikolayenko istifağa çıqtı, dep bildire Qırım «akimiyetine» yaqın olğan Krıminform saytı.

Agentlikniñ malümatına köre, istifa aqqında qarar alınğan soñ, Nikolayenko zalnı terk etti. Aynı vaqıtta o, şeer şurasınıñ deputatı olıp qala.

Bundan soñ sessiya Kezlev şeer yolbaşçısı vazifelerini eda etecek şimdiki muavin Marina Vedmetskayanı tayin etti.

İyünniñ 20-de Keriç şeer yolbaşçısı Oleg Osadçiy ve Kezlev şeer yolbaşçısı Andrey Danilenko Qırım «ükümetine» öz başına ilân etilgen baş nazir Sergey Aksönov ile subetke davet etilgen ediler. Bundan soñ ise ekisi de öz istegi ile işten çıquv aqqında ariza yazdılar.

Cuma künü, iyünniñ 27-de, Aluşta şeer yolbaşçısı Stanislav Kolot da istifağa çıqqanını bildirdi.

XS
SM
MD
LG