Link açıqlığı

Matbuat vastaları: Aluşta şeer yolbaşçısı istifağa çıqtı


Aluşta şeer yolbaşçısı Stanislav Kolot istifağa çıqtı.

Bunı Tvoya gazeta Aluşta neşiri bildire.

«İyünniñ 27-de Aluşta şeer şurasınıñ icra komitet toplaşuvı qapatılğan soñ, şeer yolbaşçısı Stanislav Kolot iştirakçilerge beraber yapılğan ş içün teşekkürler bildirip, işten çıquv aqqında ariza yazğanını ayttı», – dep yaza neşir.

Cuma künü saat 16.00 şeer şurasınıñ sessiya ötkerilecek. Mında şeer yolbaşçısı vekâletleriniñ başqasına berüv meselesi çezilecek. Neşirniñ malümatına köre, şeer yolbaşçısı vazifelerini şeer şurasınıñ kâtibi Viktor Vnukov eda etecek.

İyünniñ 20-de Keriç şeer yolbaşçısı Oleg Osadçiy ve Kezlev şeer yolbaşçısı Andrey Danilenko Qırım «ükümetine» öz başına ilân etilgen baş nazir Sergey Aksönov ile subetke davet etilgen ediler. Bundan soñ ise ekisi de öz istegi ile işten çıquv aqqında ariza yazdılar.

XS
SM
MD
LG