Ukrain uquq qoruycıları terroristlerge qarşı amleiyatnıñ alanından ealiniñ çıqarıluvına azır ve zaruriy şaraitler peyda olsa, bunı aman etecekler.
Ukraina içki işler naziriniñ keñeşçisi Zorân Şkirâk aytqanı kibi, terroristlerge qarşı ameliyatnıñ alanını terk etmege istegen insannı çıquv yeri aqqında haberdar etecekler, dep bildire Azatlıq Radiosı.
«Biz bu ketişatnıñ teşkil etilmesine azırmız ve esas mesele havfsızlıqtadır. İnsanlarnıñ havfsızlığında emin olsaq, bunı etecekmiz», – dey Şkirâk.
O şunı da qayd etti ki, fevqulâde vaziyetler boyunca devlet hızmeti qaçaqlar içün tranit noqtasını belgilecektir.
«Terroristlerge qarşı alannı terk etmege istegenler haber alacaq», – dedi İçki işler nazirliginiñ başı keñeşçisi ve malümat göñüllilerniñ yardımı ve diger vastalardan bildirilecegini ayttı.
Şkirâk insanlar Ukraina şarqından kelecek afta çıqa bilecegini tahmin etti.
