Link açıqlığı

Keriçte Qırımatatar bayraq Kününi munasebeti ile tedbirlerni Mitridat merdiveni yanında keçirdiler.

Qırım.Aqiqat mühbiri bergen malümatına köre, Keriçniñ timsallerinden birisi, Mitridat merdivenni, tamğa ve bayraq tüsteki kürreçikler ile donattılar.

Hayırlav sözleri ile türk medeniy merkeziniñ teşkilâtçılarından birisi, Keriç regional meclisiniñ azası Naciye Batalova çıqışta bulundı. O, qırımtatar bayrağınıñ qabul etüv tarihını ve manasını hatırlattı.

«Kök tüsi qaarni belgiley, tamğanıñ altın tüsi – ruhiy temizlikni. Birleşip, olar yeşil tüsni meydanğa ketireler, o ise ebediylikni temsil ete», – dedi Batalova.

Naciye Batalova dünyada eñ büyük olğan qırımtatar bayrağı aqqında da tariy etti. Uzunlığı 21 metr, keñligi 12 metrni teşkil etken bayraqnı bugün dörtünci sefer Aqmescitte açtılar.

Soñra Mitridat merdiveninde Keriçte tikilgen uzunlığı 16 metr olğan qırımtatar bayrağını yaydılar.

Tedbirde icadiy taqımlar çıqışta bulundı, qırımtatar tilinde edebiyat satıla edi.

Tedbirde tahminen eki yüz insan iştirak etti. Tertip-nizamnı ondan ziyade uquq qoruyıcı nezaret ete edi.

Hatırlatamız, iyün 26 künü Aqmescitte Qırımtatar bayraq Künü munasebeti ile tedbirler Borçoqraq mikrorayonında keçirildi. Qırımtatar bayraq Künü 2009 senesi teşkil etildi. Er sene Qırımtatar bayraq Künü çerçivesinde tedbirler Aqmescit merkezinde keçirile edi.

Milliy bayraq Kününi Kiyevde motoyürüş ile qayd ettiler, bu munasebet ile tedbirler Tbilisi ve Zaporojye şeerlerinde keçirildi.

XS
SM
MD
LG