Rusiyeden işğal etilgen Qırımğa barğan paromğa yüklenecek maşinalarnıñ nevbeti 300-ge yetti. «Yekâne naqliye müdirligi» bergen malümatına köre, iyün 26 kününiñ aqşamına furtuna havfı ilânı ile paromlarnıñ keçüv vaqtı uzandı.
Bozğun ava sebebinden Keriç keçitinde paromlarnıñ keçüvi «Yeysk», «Kerçenskiy 2», «Nikolay Aksenenko» gemileri ile etile. Paromlar keçitten, yel sebebinden, 45-60 daqiqa içinde keçe.
«Qırım» limanında 250 maşina nevbette tura. İnsanlarnı Qırımğa iyün 28 kününe qadar kelmemege çağıralar.
Evel aytılğanı kibi, furtuna Keriç keçitiniñ işini toqtattı.
