Boyevikler ukrain dincilerine Lugansk vilâyetiniñ mabetlerine hızmet etmege yasaq eteler. Bunı Azatlıq Radiosına Kiyev patriarhatınıñ Ukraina ortodoks kilsesiniñ papazı Filaret ayttı.
Onıñ sözlerine köre, bu kibi mürekkep vaziyetler Rusiye tarafından işğal еtilgen Qırımda da yüz bere eken. Qırım «akimiyeti» Kiyev patriarhatından mabetlerini Moskva patriarhatınıñ faydasına tutıp ala.
«Qırımda bir qaç mabetni endi aldılar. Şu cümleden, Anğara köyünde. Manialar bar. Ve şimdi bizim Aqmescitteki merkeziy mabetimizniñ kira añlaşuvını baqacaq olalar. Şimdi yılda 600 biñ grivna ödenilmesini isteyler. Qırımda 10 mabet ve 13 papaz bar. Kilsemizge basım eteler. Amma Lugansk vilâyetinde olğanı kibi degil. Dincilerimizge mabetlerimizde hızmet etmege bermeyler. «Lugansk akimiyeti», «LHC» ve terroristler keder eteler», – dey Filaret.
Onıñ sözlerine köre, Luganskta silâlı insanlar mabetke kelip, dindar insanlarnı ibadethanege kirsetmeyler.
