Keriç reabilitatsion merkezinde üç insandan ibaret olğan qoranta üç balalı qadın kirecek olğan odanı terk etmege istemeyip, afta devamında qavğa ve dögüşlerni qopara edi.
KERCH.COM.RU saytı bergen malümatına köre, Rukas ailesini bir qaç kün devamında odadan çıqarıp olamay ediler. Reabilitatsion merkeziniñ yolbaşçısı Alöna Bоyçeva qısqa müddetke üç yetişken insannı qabul etmege razı oldı. Faqat olar özlerine başqa meskenni qırıdırmaq kerek ediler.
«Mında ufaq balalardan ibaret olğan qoranta kirecek ola. Şimdi 40 yerde 48 insan yaşay, balaçıqlarnıñ bazıları ekişer yuqlaylar. Olarnı baqmağa şeer sakinleri, şirketler ve cemaat teşkilâtları yardım eteler. Yazıq ki, şeerge qaçaqlar sıfatında çeşit insanlar kele, ve, teessüf ki, biz aynı böyle vaziyetke ratskeldik», – dedi Alöna Bоyçeva.
Neşirniñ mühbirleri aytqanı kibi, Rukas qorantası merkezni kesen-kes terk etmege istemey ve endi bir afta devamında merkezde yaşağanlar istemeden qavğa ve dögüşlerniñ iştirakçileri ola.
Qavğa qoparğanlarğa №31 oquv yurtınıñ yataqhanesine köçmege teklif ettiler, atta maşınanı da yolladılar, amma olar istemediler.
«Yer bar… Men beş balanı östürdim, men qaraman-anam… Sabırım qalmadı endi», – dep bildire qadınnıñ sözlerini neşir.
Qavğadan soñ, qaçaqlar şeylerini cıyıp, merkezni terk ettiler, olarnıñ yerine ufaq balaları olğan aile yaşamağa kirdi – dep qad eteler neşirde.
Evel qayd etilgeni kibi, işğal etilgen Qırımda Donbass qaçaqları içün eki qabul etüv noqtanı açtılar. Olarnı №10 mektebinde ve İmkânları sıñırlı olğan bala ve yaşlarnıñ içtimaiy-ruhiy reabilitatsiya merkezinde teşkil ettiler.
