Link açıqlığı

Qırım parlementiniñ «spikeri» Vladimir Konstantinov, III Halqara parlament forumında çıqışta bulunıp, «cemiyette olğan insaniyetlikniñ kelecegi içün umumiy mesülietniñ añlamı Aropa merkezinde – Ukrainada peyda olğan cenkniñ havflı ocağını söndürmege yardım eter» dep qayd etti.

Bunı öz başına tayin etilgen Qırım Cumhuriyetiniñ Devlet Şurası reisiniñ matbuat kâtibi Oksana Savenkova bildirdi.

Soñki ayları Ukrainada üküm sürgen vaziyetni izaatlap, Qırım «spikeri» sabıq ukrain akimiyetiniñ onıñ halqına nisbeten etken hatalarını hatırlattı ve şimdiki yolbaşçılarnıñ memleketniñ Cenübiy-Şarqı sakinlerine nisbeten köstergen areketlerini takbih etti.

«Aynı zamanda, onıñ sözlerine köre, ukrain neonatsizmniñ havfı yalıñız Rusiye üzerinde olğanını tüşünmege yañlış, onıñ miqyası daa da büyüktir: «Biz Qırım Cumhuriyetinde birinci olıp, işbu Gitler ve Bandera izdeşlerine qarşı çıqtıq. Biz Kiyevde olğan neonatsist avdarmasını tanımadıq, saylaycılarımızğa, halqımızğa nisbeten hainlik yapmadıq. Aksine faşizmge qarşı platformada akimiyet ve halqnıñ birligini saqlap oldıq», – dep bildire Konstantinovnnı sözlerini onıñ matbuat kâtibi.

Hatırlatamız, bugün Qırım «parlamenti»niñ reisi Vladimir Konstantinov Rusiye Federatsiyası Devlet Dumasınıñ Federal Toplaşuvı reisi Sergey Narşkinniñ daveti ile iyün 26 künü iş ziyareti ile Moskvağa buyurdı.

XS
SM
MD
LG