Link açıqlığı

Aqmescitte muazzam qırımtatar bayrağını yerleştirdiler


İşğal etilgen Aqmescitte iyün 26-da Qırımtatar bayraq kününe bağışlanğan tedbirde Ukrainada qırımtatar halqınıñ eñ büyük bayrağını yaydılar.

Bayraqnıñ uzunlığı 21 metr, keñligi 12 metr, meydanlığı 252 kvadrat metrni teşkil ete, – dep bildire Qırım.Aqiqat mühbiri.

Tedbirler Borçoqraq mikrorayonında keçirile.

Qırım.Aqiqat mühbiriniñ sözlerine köre, tedbirde «politsiya hadimleriniñ», arbiy kiymli insanlarnıñ sayısı ğayet çoqtır. Olar atta çoq qatlı evlerniñ damlarında körüne. Tedbirlerniñ iştirakçileri metallodetektorlardan keçeler.

İştirakçilerniñ çoqusı yazıqsınıp, bu sene tedbir başqace keçirilgenini qayd ete. «Sanki apiste bulunam!», – dedi qırımtatarlardan birisi.

Kurulayatqan mektep ögündeki meydançıqta programmağa binayen «Bizim taraf» resim yarışı, «Bayrağım» fotoresim yarışı, yemek yarışı, dekorativ-ameliy sanat ustalarınıñ tedbiri, sport tedbirleri, «Bilgi quveti» kvesti, çölmekçilik boyunca ustazlar tedbiri ötkerilecek. Aqşam ise kontsertniñ keçirilmesi beklenile. Kontsert saat 18:00 başlanacaq.

Azatlıq Radiosı ve Qırım.Aqiqat saytı bu tedbirlerni canlı şekilde köstere.

XS
SM
MD
LG