Aqmescitte Qırımtatar bayraq Künü munasebeti ile esas merasimler başlandı. Olar Borçoqraq mikrorayonında keçirile.
Radіo Svoboda ve Qırım.Aqiqat saytı saat 17.00 den (Kiyev vaqtına köre saat 16.00 dan) başlap, canlı şekilde bu tedbirlerni kösterecekler.
Esas tedbirler Aqmescitniñ Borçoqraq qasabasında, qurulıp bitirilmegen mektepniñ ögündeki meydançıqta teşkil etildi.
Kündüz iyün 26-da Aqmescitniñ Bala bağçasında milliy kiymilerde insanlar qırımtatarlarğa qol tutuv fleşmobnı keçirdiler. Balaları ile qadınlar milliy urbağa kiyinip, qollarında qırımtatar ve ukrain bayraqlarını tutıp, kezindiler.
Qırımtatar Bayraq künü bayramı munasebetinen iyün 26 künü Kiyev ve Tbiliside tedbirler keçirile.
Qırımtatarlarnıñ bayrağı altın tamğalı kök tüste bir ketendir. Qırımtatar bayraq künü 2009 senesi teşkil etildi. Er yıl Qırımtatar bayraq künü munasebeti ile tedbirler Aqmescit merkezinde keçirile edi.
