Aqmescitte iyün 26-da Qırımtatar bayraq Kününi qayd etken qırımtatarlarğa işğal etilgen Qırım sakinleri balalar ile kelip, milliy kiymlerde fleşmob ile qol tuttılar.
Qırım.Aqiqat mühbiri bergen malümatına köre, numayış bugün Bala bağçasında olıp keçti. Adam az keldi, çünki tedbirniñ keçirilmesi şiddetli yağmur sebebinden bir saatqa avuştı.
Analar balaları ile ve üyken nesil milliy elementler ile kiyimlerde kezindiler. Numayışta Ukraina ve qırımtatar bayraqları bar edi.
«Biz Qırımtatar bayraq Kününde toplanıp, dostlarımızğa qol tutmağa, Qırımda ukrainliler bar olğanını köstermege, biz qırımtatarlar ile dost olğanımıznı taqdim etmege qarar aldıq», – dedi numayışnıñ iştirakçisi İrına.
Qırımtatar bayraq Kününe bağışlanğan esas tedbirler iyün 26 künü Aqmescitteki «Borçoqraq» qasabasında qurulayatqan mektep meydanında keçirildi. Radio Svoboda ve Qırım.Aqiqat saat 17:00 Bayraq Kününden canlı yayın alıp bardı.
Qırımtatar bayraq Kününe qol tutuv numayışı iyün 26 künü Kiyev, Zaporojye ve Tbiliside keçirildi.
Qırımtatarlarnıñ bayrağı altın tamğalı kök tüste bir ketendir. Qırımtatar bayraq künü 2009 senesi teşkil etildi. Er yıl Qırımtatar bayraq künü munasebeti ile tedbirler Aqmescit merkezinde keçirile edi.
