İşğal etilgen Qırımda ötmek fiyatı şirketlerniñ elektriya energiyasına olğan masrafı ile bağlı, dep bildirdi Qırım agrar siyaseti ve aşayt naziri Nikolay Polüşkin.
«Un ve ötmek fiyatlarınıñ paalılaşuvı malzemege degil de, elektrik energiyasına olğan masraflarğa bağlı. Bilesiñiz, Qırım elektrik energiyasını Ukrainadan ala. Şimdi onıñ fiyatı paalılaşa», – dep bildire nazirniñ sözlerini ye-Krım.
Onıñ sözlerine köre,Qırım bücetinden ötmek pişirüv şirketleriniñ maliye destegine 4 mln ruble ayıracaq olalar.
Rusiye Federal antimonopol hızmetiniñ malümatına köre, mayıs ayında Qırımda ötmekniñ içtimaiy çeşitlerine fiyatlar 10% paalılaştı.
