Lâqayt qalmağan çehler ukrainliler ile birlikte Pragada çeh ükümeti binasından Çehiyada Rusiye elçihanesine cayav yurdiler, dep bildire Azatlıq Radiosı.
İnsanlar ukrain timsalleri ve «Putinni toqtatıñ, demokratiyanı saqlañız» yazıları ile plakatlarını tutıp, çeh akimiyetini Ukraina vaziyetine lâqayt qalmamağa çağırdı.
«Siziñ ve bizim serbestligimiz içün» numayşnı içtimaiy ağlarda teşkil ete ediler. Numayış vaqıtta iştirakçilerni politsiya ozğara edi.
Rusiye elçihanesi yanında insanlar Ukrainada elâk olğanlarnı hatıra daqiqası ile añdılar. «Ayıp» dep, Rusiye prezidentini qatil olaraq adladılar. İnsanlarnıñ sözlerine köre, bugün «Putin cenki» keçe. Bundan da ğayrı numayışçılar «Putin - ***lo» yırını icra ettiler.
İştirakçiler 1968 senesini hatırladılar, o vaqıt Çehoslovakiyağa Sovet orduları kirgen edi.
Çehiya ya da Rusiye elçihanesiniñ temsilcileri numayışçılarğa çıqmadı ve birazdan olar evlerine qayttılar.
