Link açıqlığı

Cumaaqşamı, iyün 26 künü, Tbiliside Rustaveli caddesinde sabıq parlament binası yanında saat 19:00 qırımtatarlarğa qol tutuv numayışı keçirilecek, dep bildire Gruziya online.

Numayışnıñ teşkilâtçılarından biri Оleg Panfilov «Rusiye işğalci akimiyeti, halqlarğa medeniyet ve adetlerini saqlamağa bermeyip, eski imperialı siyaset yolunda kete» dep tüşüne.

«Gürcistan nice sefer Rusiye tarafından işğal etilgen edi. Gürci ortodoks kilsesi musatqilliginden marum qala edi, medeniy asabalıq yoq etile, gürci til ve adetleri havf astında edi. İnsanlarğa Sabıq sovet alanında işbu rusiyeli siyaset devam etkenini köstermege bizim borcumızdır», – dey Panfilov.

Qırımtatar bayraq Künü munasebeti ile Kiyev merkezinde cumaaqşamı, iyün 26 künü, motoyürüşniñ keçirilmesi planlaştırıla, mında er istegen insan iştirak ete bilecek. Kolona Sofiya meydanında saat 18:30-19:00 toplanıp, Vladimir soq. – B.Hmelnitskiy soq. – Kreşçatik soq. – Lesâ Ukrainka bulv. – Drujba Narodov bulv. – Krasnozvözdnıy cad. – Ğalebe cad. – T.G.Şevçenko buv. – Kreşçatik soq – B.Hmelnitskiy soq. – Vladimir soq. – Sofiya meydanı ürüş yolu ile keçecek.

Qırımda Meclis Qırımtatar bayraq Künü munasebeti ile tedbirlerni «Borçoqraq» mikrorayonında keçirmege planlaştıra. Yerli «akimiyet»niñ yasağına baqmadan, avtoyürüş keçirilecektir. Mecliste işbu avtoyürüş iştirakçiler içün nevbetteki cezalar ile belgilenecegini qayd eteler.

Meclis Aqmescit yolbaşçılığından tedbirlerniñ şeer merkezinde keçirilmesi ile bağlı bir qaç menfiy qarar alğan edi.

İlk sefer Qırımtatar bayraq Kününi Qırımda 2010 senensi iyün 26 künü Aqmescit merkeziy Lenin meydanında qayd ettiler.

XS
SM
MD
LG