Link açıqlığı

Nazirler şurası Qırımdan köçip kelgenlerniñ vaqtınca yaşavına 25 million ayırdı


Nazirler şurası Qırım ve Aqyardan köçip kelgen adamlarnıñ vaqtınca yaşavını temin etmek içün 25 mln grivna ayırdı.

Nazirler şurasınıñ naziri Ostap Semerak bildirgenine köre, tünevin ükümet Qırım ve Aqyardan köçip kelgen şahıslarnıñ vaqtınca yaşav teminlevi aqqında qararnı qabul etti, dep haber ete Azatlıq Radiosı.

Onıñ malümatına köre, bu sermiya vilâyet devlet memuriyetleriniñ ihtiyaclarına köre şekillendirildi.

Er bir adamğa sutkada 200 grivna sarf etilmesi beklenile.

Sermiya insannıñ vaqtınca yaşağan şifahane ya da istiraat evine yollanılacak, dedi Semerak.

BMT qaçaqlar işleri boyunca yuqarı vekiliniñ İdaresi bergen malümatına köre, Ukrainada memleket içinde köçip kelgen insanlarnıñ sayısı aman-aman 49 biñni teşkil ete, ve bu raqam ep arta.

XS
SM
MD
LG