Qırım ve Aqyar ealisi Rusiye cep telefon operatorlarınıñ aman-aman 200 biñ SİM-kartını satın aldı.
Bunı alâqa ve kütleviy alâqalar naziri Nikolay Nikiforov Rusiye prezidenti Vladimir Putinniñ ükümet azalarınen toplaşuvında bildirdi.
«Qırım Federal bölgesinde +7 ile başlanğan Rusiye nomeralarınen Rusiye SİM-kartlarını satıp başladılar», – dep bildirdi Nikiforov.
Nazir dedi ki, şimdige qadar tahminen 200 biñ kart satıldı. Yarımadada daa 1,5 mln SİM-kartı bar.
Alâqa naziriniñ aytqanına köre, Qırımda Rusiye bağ hızmetleri peyda olğan soñ, yerli sakinlerniñ daimiy bağı ile bağlı problemler olmaycaq, rouming ise artqaç masraflarsız olacaqtır.
